Komisioni Qëndror i Zgjedhjeve me sa duket do të vijojë punën në funksion të zgjedhjeve pa dekret tashmë për të cilat mazhoranca është e vendosur që të zhvillohen me 30 Qershor.
Ditën e sotmë në orën 13:00 KQZ do të nisë mbledhjen e cila pas braktisje që bëri dy ditë më parë kreu i këtij institucioni, Klement Zguri, ajo do të drejtohet nga zv.kryeatari Denar Biba.
Kjo mbledhje ka në rend ditë 5 pika mbi të cilat do të diskutohet dhe vendoset ku ndër to janë miratimi i listës emërore të shtetasve të cilët mund të emërohen kryesisht anëtarë KQV-ve, dhënien e autorizimit për ndryshimin e vendndodhjeve të disa QV-ve, miratimin e vëzhguesve afatgjatë të Institutit Demokratik Amerikan etj. Kjo mbledhje është kërkuar nga Zv. Kryetari Denar Biba, Anetaret; Bledar Skenderi, Edlira Jorgaqi dhe Rezarta Bitri
Njoftimi i KQZ-së
Bazuar në nenin 22, pika 2, e Kodit Zgjedhor, nenin 12 të Rregullores “Për organizimin dhe funksionimin e Komisionit Qendror të Zgjedhjeve”, Zv. Kryetari z. Denar Biba, Anetaret; z. Bledar Skenderi, znj. Edlira Jorgaqi dhe znj. Rezarta Bitri kane kërkuar thirrjen e mbledhjes,
Sot, me 12.06.2019, Ora 13:00, me rend dite:
- “Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të dates 30 qershor 2019”.
- “Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të dates 30 qershor 2019”.
- ‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të dates 30 qershor 2019”.
- “Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të dates 30 qershor 2019”.
- “Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të dates 30 qershor 2019”.
(F.GJ/FAXWEB.AL)
