Ju kujtohet deklarata e kandidates për deputete të PS-së Elisa Spiropalit pak javë më parë, kur krahasoi kryeministrin Edi Rama me Skënderbeun. Ndërsa Spiropali ishte e ftuar në emisionin “Zonë e Lirë”, gazetari Arjan Çani e ngacmon lidhur me këtë deklaratë, për të cilën Zëdhënësja e Kryesisë së Partisë Socialiste është ndeshur me mjaft kritika dhe tallje.
Ndërsa Çani e pyet se çfarë lidhje ka Rama me Skënderbeun, Spiropali nuk përgjigjet drejtpërdrejt por kalon në ligjërata kundër opozitës, duke e cilësuar si një çadër turke.
“Ka forca mosbesimi që besojnë që Shqipëria nuk mund të bëhet. Kjo forcë mosbesimi, apo ky dell zhbërës, reflektohet herë të opozita dhe herë të opozita, pak rëndësi ka, duken edhe si çadër orientale si çadër turke i ke parë?
Nga ana tjetër ka forca që Shqipëria do të bëhet më në fund një shtet dhe nuk ka përfaqësues më të denjë se sa ai i pari që vendosi gurët e themelet.”, deklaroi Spiropali duke kaluar nga gafa në gafë.
Çanit nuk i shpëton termi “çadër turke” dhe ia vë në dukje Spiropalit se ç’të keqe ka. “Nuk e kam me turqit, ata i kemi aleatë dhe aleatë mbeten”, përgjigjet ajo.
Pak javë më parë, në një takim me të rinjtë që votonin për herë të parë Spiropali e krahasoi kryeministrin me heroin kombëtar Gjergj Kastriotin.
“Është Shqipëria që deshi Ismail Qemali, që mendoi Fan Noli, Shqipëria që vuajti Fishta dhe të tjerë Rilindas Shqiptarë. Është Shqipëria që ideoi ky burri këtu Skendërbeu. Shqipëria europiane dhe vetëm europiane dhe kam vetëm një njeri dhe vetëm një forcë politike që mund të bëjë realitet këtë ëndërr, është Edi Rama edhe është Partia Socialiste.”, ishin fjalët e Spiropalit. (D.D/Shuplaka)
