Krem me retinol për t’u zgjuar me lëkurë të rinovuar dhe rinore

Është një nga përbërësit më efektivë kundër plakjes dhe përfitimet e tij për lëkurën e prirur ndaj akneve janë mbresëlënëse.

Është i njohur gjerësisht për veprimin e tij kundër rrudhave, megjithatë, retinoli mund të jetë i dobishëm për lëkurën e çdo grupmoshe.

Çfarë tjetër bën ai? Ai çliron poret nga qelizat e vdekura, largon papastërtitë dhe sebumin e tepërt nga lëkura e re, ndërsa lufton edhe efektet e fotoplakjes (diskromi, njolla, etj.) që nuk varen nga mosha. Një nga avantazhet më të mëdha të retinolit është efektiviteti i menjëhershëm dhe përfitimet e dukshme.

Çfarë është? Retinoli është forma aktive e vitaminës A që absorbohet nga trupi ynë dhe shndërrohet në acid retinoik. Kjo nga ana tjetër rrit rinovimin e qelizave, stimulon prodhimin e kolagjenit dhe elastinës, redukton njollën dhe e mban lëkurën të hidratuar dhe me shkëlqim. Ka një efekt eksfoliues dhe është një nga përbërësit më efektivë kundër plakjes, ndërsa përfitimet e tij për lëkurën me akne janë mbresëlënëse.

A mund ta përdorin të gjithë? Mund ta përdorni pavarësisht nga lloji i lëkurës tuaj , por është më mirë ta përfshini në rutinën tuaj gradualisht dhe ta aplikoni gjatë natës, kur lëkura rigjenerohet.

Kujdes: mos e kombinoni retinolin me vitaminën C, AHA dhe BHA,  pasi kur përdoren të kombinuara, ato jo vetëm që nuk do t’i bëjnë mirë lëkurës tuaj, por edhe mund ta dëmtojnë atë.