“Krenar për qëndrimin unik dhe sakrificën e shqiptarëve”, Basha përkujton viktimat e Holokaustit

Kreu i Partisë Demokratike Lulzim Basha përkujtoi ditën e sotme viktimat e Holokaustit nëpërmjet një postimi në rrjetin e tij “facebook”.

Basha tha se: “Kurrë nuk duhet të harrojmë dhe duhet të përballemi e të luftojmë të gjitha format e antisemitizmit dhe diskriminimit. Gjithashtu kreu i Partisë Demokratike Basha u shpreh  krenar për qëndrimin unik dhe sakrificën e shqiptarëve në mbrojtje të hebrenjve gjatë Luftës së Dytë Botërore.

Postimi i plotë i kreut të Partisë Demokratike:

“Sot me 27 Janar përkujtojmë me dhimbje 6 milionë hebrenjtë që u shfarosën mizorisht gjatë Holokaustit. Kurrë nuk duhet të harrojmë dhe duhet të përballemi e të luftojmë të gjitha format e antisemitizmit dhe diskriminimit. Krenar për qëndrimin unik dhe sakrificën e shqiptarëve në mbrojtje të hebrenjve gjatë Luftës së Dytë Botërore.”