Në “Zonë e Lirë” kreu i Aleancës Kuqezi ka deklaruar tërheqjen nga politika.
“Është emisioni i fundit që jemi bashkë Çani, kam ardhur këtu të deklaroj tërheqjen time nga politika, vij nga një bisedë e çuditshme, ishte si një marrëdhënie lufte. Deklaroj para publikut se çadra ishte një kurth për opozitën e elektoratin shqiptar”,-tha Spahiu.
Pjesë nga fjala e Spahiut:
Largohem nga kjo luftë kokëlartë, si pasojë e këtij pazari asgjësohet pluralizmi politik, përballë kam një përgjegjësi dhe gabim historik që futa qindra njerëz në çadër, me tre turne, kisha shumë besim te Basha, jam i detyruar të tërhiqem, dhe ju kërkoj njerëzve dhe mbështetësve falje. Unë nuk kam më sot të drejtë të flas në emër të atyre. Puna më e mirë që të bëjë Spahiu është të mos merret më me këta njerëz.
Çdo punë që do bëj në jetë do jetë më e ndershme se moçali politik. Largohem nga politika pa qenë asnjë ditë ministër apo deputetë, e laj me gabimin tim, unë jap dorëheqjen nga politika dhe AK. Shumë nga ata që do zgjidhen nga PD do jenë pjesë e qeverisë së Edi Ramës. Arsyet e prejes së besës janë më të thella, nëse Berisha është besëprere apo Basha mosmirënjohës këtë nuk e di, qoftë edhe njëri.
Kam qenë i lumtur që nuk kam marrë pjesë në legjislaturën e shkuar. Mosmirënjohësi dhe besëpreësi janë njerëzit më të këqinj, zoti do jua kthejë se nesër është muaji i shenjtë, nuk ka kod moral me aleatët. Këto parti parlamentare nuk kanë fituar me vota, Mediu, Ndoka, Shehi kanë qenë në listat e PD. AK i kishte vota të mirëfillta.
(M.D/Shuplaka)
Discussion about this post