Kreshnik Spahiu, themeluesi i Aleancës Kuq e Zi, provokon këtë 29 nëntor, vetëm 1 ditë pas 105-vjetorit të shpalljes së Pavarësisë, duke hedhur dyshime mbi vendimin e Ismail Qemalit dhe bashkëpunëtorëve të tij për të ngritur flamurin shqiptar në Vlorë.
”Ismail Qemali gaboi?”, pyet kreu i dorëhequr i Aleancës, duke dhënë idenë e tij për vendin e saktë se ku duhej të ngrihej.
”Flamuri duhet të ngrihej në Shkup për një Shqipëri të madhe dhe jo në Vlorë për një Shqipëri të vogël”, përfundon Spahiu që tashmë ndodhet në Belgjikë.
Ditën e djeshme ai bëri një tjetër koment, me të njëjtin argument, të shqiptarëve të copëtuar.
”Edhe unë isha atje me 20.000 aktivistët kuqezi duke shkatërruar kufirin Shqipëri-Kosovë por ende mbetemi gjysmë-pushtuar, gjysmë-copëtuar, krejt-varfëruar dhe totalisht-tradhëtuar. (28 Nëntor Morinë 2012) Gjysmë-Gëzuar / Gjysmë pavarësinë”, argumentoi Spahiu duke rikthyer fotot e 2012-ës, 100-vjetorit të Pavarësisë.
Spahiu prej vitesh kërkon ngritjen e çështjes kombëtare duke besuar te Shqipëria e Madhe dhe korrigjimin e gabimeve të historisë.
(V.G/Faxweb)
Discussion about this post