Kreshnik Spahiu thirrje PD-së: Ta mbyllim Ramën si zog në kafaz!

Kreu i Aleancës Kuq e Zi, Kreshnik Spahiu zbulon arsyet se pse sot është bashkuar me Lulzim Bashën dhe protestën e 18 shkurtit.

Në një bisedë telefonike me gazetarin Ylli Rakipi te emiusioni “Të Paekspozuarit”, Spahiu tha se do të ishte personi i fundit që do të largohet nga sheshi pas proteste.

“Mendoj se ekperimenti ndodhi para katër vitesh. AK mbushi të gjitha sheshet, kishte flamurë në çdo dritare. Por ç’ndodhi? AK doli kundër dy partive PS dhe PD, për thyerje establishmenti. Arsyeja që sot jemi me Bashën është se në themelet e demokracisë është votimi, ne i besojmë votën e popullit teknologjisë, numërimit elektronik. Një protestë e cila është trumbetuar me të madhe. Kemi një të shtunë me reshje dhe është krahasuar me Rumaninë. Kryeministri i Rumanisë u arrestua se ishte korruptuar me 51 mijë euro. Por nëse ka ndonjë person sot që beson se Rama është i korruptuar me më pak se 51 mijë euro, kjo është absurde. Unë i kam thënë Bashës mos të marrim pjesë në zgjedhje.”, tha Spahiu.

Pas këtij rrëfimi, ai bëri thirrje që kryeministria të mbyllet me zinxhirë, pasi Edi Rama nuk e ka kryer siç duhet detyrën e tij.

“Para 1 viti patëm një eksperiencë të suksesshme kur mbyllëm Veliajn si zog në kafaz me zinxhirë. Kështu të bëjmë dhe me Ramën, mos ta lëmë të hyjë në kryeministri për 1 muaj pasi s’ka punuar 4 vjet. Ftoj demokratët jo 30 minuta, por 30 ditë ta mbyllim kryeministrinë me zinxhirë. Do jem protestuesi i fundit që largohem nga sheshi, nëse më braktis populli, do iki dhe unë. Jam dakort me Bushatin kur thotë se Rama kontrollon 100% mediat, po bën propagandë komuniste si para 40 vjetësh,” tha Spahiu. (D.D/Shuplaka)