Kreu i Aleancës Kuqezi Kreshnik Spahiu, në “Të PaEkspozuarit” u shpreh se Partia Socialiste dhe Edi Rama kanë përdorur një truk për shtyrjen e zgjedhjeve të dekretuara për tu mbajtur me 18 qershor.
Spahiu deklaroi se Edi Rama i dorëzoi me vonesë qëlllimisht listat e zgjedhësve në mënyrë që anullimi i zgjedhjeve mos të vijë nga tërheqja e tij politike por sipas aleatit të Bashës t’ia lërë fajin Kolegjit Kgjedhor.
“Ky është truk i Partisë Socialiste. I kanë dorëzuar listat e zgjedhësve me vonesë, që anullimi i zgjedhjeve mos të vijë nga zbythja e Edit, por me një kolegj zgjedhor. Pastaj gjykatat e Saliut anulluan zgjedhjet, do thotë Rama. Ai i ka dorëzuar listat e deputetëve jashtë afatit. E ka lënë derën hapur,” -tha Spahiu.
“Hahn duket që nuk ha pykë fare në kërkesat popullore dhe jo të PD-së, se nuk është kërkesë vetëm e PD-së kjo. Në Shqipëri janë gjithsej 127 parti politike. Në zgjedhjet e 2013 morën pjesë 66 parti, kurse tani janë 15. Nuk kemi më koalicione ne siç parashikon Kushtetuta.
Rama për të krijuar opinionin e një Shqipërie pluraliste, prishi dhe koalicionin e vitit 2013 me Metën. Sot përveç se 1.7 mln votuesve në emigracion që nuk iu garantohet vota, janë përjashtuar rreth 900 mijë votues të tjerë që përfaqësohen nga 100 e ca parti politike të tjera ku futen PD, PR, LZHK.
Hahn nuk e ka idenë fare se çfarë po ndodh me zgjedhjet, se ndërkombëtarëve nuk u kërcet fare për të drejtat e njeriut, por kanë vetëm një problem: Stabilitetin. Për stabilitetin i vënë flakën të gjitha parimeve njerëzore.
Hahn mendoj se është 100% gabim. Unë nuk jam pajtuar me dy gjëra me PD që në fillim. PD i mban ison ndërkombëtarëve, duke i hiperbolizuar ata, që duket sikur i vënë vulën procesit të zgjedhjeve në Shqipëri dhe se OSBE/ODIHR duhej të përcillej me kohë nga Shqipëria”, tha më herët Spahiu.
(M.D/Shuplaka)
Discussion about this post