Kreu i Dhomës Amerikane të Tregtisë Grant Van Cleve thotë se Shqipëria ka mundësinë që të jetë pjesëmarrëse në epokën e re të presidentit amerikan, Donald Trump.
I pranishëm në tryezën e PD ku u prezantua programin ekonomik i PD, Grant Van Cleve tha se shqiptarët ashtu si amerikanët duhet të jenë entuziaste për ardhjen e Trump në pushtet.
“Tranzicioni në qeverinë amerikane është i mbështetur nga vullneti i njerëzve. Bëhet fjalë për një shumicë të qëndrueshme që do ndryshojë drejtimin e atij vendi, por edhe të botës. Shqipëria është ndoshta vendi më pro amerikan në Evropë dhe në histori Amerika ka treguar se ka qenë në mbështetje të Shqipërisë. Ne mund të kemi marrë vendime të këqija që mund ta kenë minuar raportin e mirë të të dyja vendeve, Shqipëria ka mundësinë që të jetë pjesëmarrëse në këtë epokë të re që thotë Trump.
Amerikanët janë entuziaste dhe kanë besim se gjërat do të ndryshojnë. Edhe ju duhet të jeni entuziaste sepse edhe ky është një element shqiptar”, tha ndër të tjera ai.
Discussion about this post