Kreu i Dhomës së Avokatisë Maks Haxhia në një intervistë për ‘Fax News’ ka deklaruar se procesi i reformës në drejtësi duhet të ecë më shpejt pasi institucionet e drejtësisë janë në kolaps.
Haxhia tha se janë 24 mijë çështje që presin në Gjykatën e Lartë dhe sa më shumë kalon koha do të akumulohen edhe më shumë, dukë ndikuar që ata që mund të vijnë në këtë institucion të bien në gabime për shkak të kohës.
“Për mua jam dakord me reformën, kam qenë edhe pjesë, por jam i shqetësuar që krahas vështirësive që janë sigurisht, ky oroces të ecë sa më shpejt sepse institucionet e drejtësisë janë në kolaps. Vetëm në Gjyktën e Lartë janë 24 mijë çëshjte që presin dhe ata që do vijnë mund të bien në gabime për shkak të kohës”, tha ai ndër të tjera.
Maks Haxhia gjithashtu foli edhe për prokurorët dhe gjyqtarët që nuk e kalojnë procesin e vettingut. Ai tha se këta që skualifikohen nga KPK nuk mund të jenë as avokatë pasi sipas tij figura e avokatit është shumë e rëndësishme për shkak të shërbimeve që jep dhe duhet të ketë një integritet moral.
“Janë ca profesione që janë të lira por duke patur parasysh se ka një shërbim të veçantë. Shqetësimi është që të korruptuarit të mos japin më shërbime. Avokatët duhet të kenë një integritet moral”, tha ai.
I pyetur nga nga gazetarja e ‘Fax News’ Klaudja Karabolli nëse edhe institucione e vetingut mund të kontrollohen, ai deklaroi se këto institucione monitorohen nga ndërkombëtarët.
Por për Haxhinë ONM duhet të njohë mentalitetin shqiptar pasi mund të bjerë në gabime. “Ka një problem, ONM nuk njeh mentalitetin shqiptar, ne japim borgj për shembull, ONM nuk e koncepton këtë se nuk e kanë në mentalitetin e tyre”, u shpreh Haxhia.
në lidhje me Kryeprokuroren e Përgjithshme të Përkohshme Arta Marku, kreu i Dhomës së Avokatisë tha se mund të kishte një tjetër mënyrë të zgjedhjes së saj, edhe pse deklaroi se e njihte Arta Markun si një njeri korrekt ajo është e kontrolluar sipas tij.
Ideale për të do të ishte që Prokurorin e Përgjithshëm ta zgjidhte populli pasi nuk do të binte pre e presioneve politike.
Maks Haxhia i cili është dhe avokat i ish-ministrit Saimir Tahiri që dyshohet si i përfshirë në trafikun e drogës, u shpreh se Perokuroria u nxitua në kërkesën e saj për arrestimin e ish-ministrit, ndërsa në lidhje me vendimin e Komisionit të Mandateve që nuk e lejoi arrestimin ai tha se kjo nuk I ka penguar hetimet.
