Një ditë më parë u zhvillua procesi i rinumërimit të votave të 64 kutive të kontestuara nga PDIU dhe PS, proces i cili zbuloi mjaft parregullsi, pavarësisht se rezultati përfundimtar nuk ndryshoi.
Sot, kreu i Komisionit Qendror të Zgjedhjeve, Klement Zguri, i ftuar në emisionin “Natë me Xhaxhiun”, tha se çdo numërues apo komisioner që ka bërë shkelje ligjore do të përgjigjet para organeve të drejtësisë.
“Të gjithë numëruesit apo komisionerët që kanë bërë shkelje ligjore, që kanë bërë ‘pis’ procesin, duhet të jenë të qartë se do të shkojnë dhe do të japin llogari para organeve të drejtësisë”, tha Klement Zguri.
Kujtojmë se gjatë këtyre ditëve, si PDIU ashtu edhe LIBRA dhe LSI kanë publikuar video ku del qartë se si numëruesit kanë devijuar votat e një partie politike drejt një tjetre. (D.D/Shuplaka)
