Kryetari i LSI-së në njësinë 4 në kryeqytet, Arsim Rama, ka deklaruar se politika në vend ka nevojë për energji pozitive, duke parë edhe situatën mjaft të tensionuar.
Këto deklarata, Rama i ka bërë nga një takim me banorët e kësaj njësie, takim ku ishte i pranishëm edhe kryetari i LSI-së në Tiranë, Endrit Braimllari.
“Nga takimi i djeshëm me banorët e Njësisë 4 të nënzonës 2, tek takimi i sotshëm me banorët e nënzonës 4 , ku duket qartë që ne jemi një forcë politike me rritje të natyrshme. LSI gjeneron stabilitet dhe besim”, është shprehur Rama.
Ndërkohë, në një postim në rrjetet sociale, ku ka ndarë me publikun foto të këtij takimi, Rama shkruan: “Politika jonë është e thjeshtë dhe në shërbim të çdo qytetari”.
Duhet thënë, se në këto ditë trazirash politike, ku qeveria akuzon opozitën dhe opozita qeverinë, kur opozita që prej 18 shkurtit është përfshirë në protesta dhe premton të mos ndalet derisa të krijohet qeveria teknike, deri më tani duket sikur LSI është e vetmja ndër tre partitë kryesore, që ka patur një frymë pozitive duke kryer në një farë mënyre edhe rolin e ndërmjetësit mes PD dhe PS. (D.D/Shuplaka)
[ngg_images source=”galleries” container_ids=”1670″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
