Kreu i përkohshëm i Kishës Ortodokse, Imzot Joani, në fjalën e tij në shërbesën në nder të Kryepeshkopit Anastas ka vlerësuar shërbimin që Fortlumturia e Tij i ka bërë besimtarëve dhe popullit shqiptar.
Ai u ndaj tek fakti që përveç ndërtimit të kishave, një qëllim i Kryepeshkopit ishte predikimi se Perëndia duhet të adhurohet në frymë e të vërtetën.
“Kryepeshkopi Anastas u përpoq të përhapte shpresë aty ku sundonte frika.
Një dimension tjetër i veprës së tij për të cilën nuk është folur, Kryepeshkopi nuk u mjaftua vetëm me ndërtimin e Kishës, por kishte qëllim një kishë ku perëndia adhurohet në frymë e të vërtetën. Veprat ndërtimore ishin sipas tij vetëm mjet për të realizuar misionin shpëtimtar të kishës.
Predikimi i tij në publik dhe privat ishte i përqendruar tek dashuria dhe respekti ndaj çdo qenieje njerëzore. E gjithë bota ka nevojë për frymën e faljes, frymë të cilën Kryepeshkopi Anastas e futi thellë brenda kishës sonë.
Ishte një pasardhës i denjë i apostujve, jo vetëm me fjalë për edhe me vepra. Jeta e tij ishte një jetë e vërtetë dhe jeta e vërtet nuk mbaron me vdekjen
Le të lutemi me zemër që zoti ynë të presë shpirtin e kryebariut tonë të dashur në tendat e të drejtave ku ka vetëm jetë të pasosur e të vërtetë. Le ta kujtojmë me nderim, përgjithmonë, I përjetshëm qoftë kujtimi i tij”, tha mes të tjerash ai.
Discussion about this post