Gazetarja e BIRN Aleksandra Bogdani, e cila ka kryer edhe një investigim lidhur me skandalin e firmës që ka fituar tenderin për lotin e parë të unazës, ka shpjeguar përse sipas investigimit të saj, dyshohet që firma “Gener 2”, qëndron pas kompanisë së themeluar në Delaëare.
Ndër të tjera, Bogdani thekson, se ndonëse tenderi është fituar nga firma amerikane “DH”, por në momentin që është ngritur kantieri për nisjen e punimeve, ka qenë një punonjëse e Gener 2 që është marrë me këtë procedurë dhe kërkesa është bërë pikërisht në emër të Gener 2.
“Kompania DH Albania ka bërë tre veprime që prej themelimit të saj në QKB. Veprimi i parë ka qenë regjistrimi, ku janë futur dokumentat e falsifikuara. Veprimi i dytë është zhvendosja e kompanisë në Aba Centre.
Ndërsa veprimi i tretë, është regjistrimi i një NIPT-I sekondar, pranë kantierit të punimit.
Ky veprimi është bërë nga një punonjëse e Gener 2, e autorizuar nga Avdjol Dobi. Tek aplikimi, nuk është shkruar DH Albania, por Gener 2. Përse duhet vendosur emri i Gener2? Është paguar nga Gener 2”, u shpreh Bogdani.
