3 ditë pasi Brenton Tarrant hapi zjarr në dy xhami të ndryshme në Zelandën e Re duke u marrë jetën 50 personave dhe duke plagosur dhjetëra të tjera, familjarët e tij shprehet të tronditur.
Një prej kushërurave të Brenton është shprehur se afërmi i saj dikur ishte një person normal, ndërsa pas masakrës meriton të vdesë.
Donna Cox ka deklaruar se i dhemb shumë fakti që ka lidhje gjaku me 28-vjeçarin, Brenton, pasi ai vrau me gjak të ftohtë 50 besimtarët myslimanë.
“Ai e meriton dënimin me vdekje për atë që ka bërë edhe pse më lëndon kjo që po them, për shkak se jam famijare e tij. Për dikë që ka marrë shumë jetë njerëzish, është e drejtë që ai të meritojë të njëjtën gjë”, është shprehur ajo.
Nëna e 28-vjeçarit, Sharon, është mësuese në një shkollë lokale. Ajo u largua nga policia me emergjencë nga klasa e saj direkt pas raportimit të ngjarjes.
Ajo dhe motra e Tarrantit, Lauren, janë vendosur nën mbrojtje të policisë, pa asnjë kontakt telefonik me pjesën tjetër të familjes së tyre.
Terry Fitzgerald, xhaxhai i Tarrantit, ka kërkuar falje për familjet e viktimave në sulmet që dyshohet se janë kryer nga ana e nipit të tij.
“Na vjen keq për familjet atje, për të vdekurit dhe të plagosurit. Ajo që ai ka bërë është thjesht jo e drejtë, “ tha Fitzgerald në emër të familjes së tij.
(E.K/FAXWEB.AL)
Discussion about this post