Krim i rëndë brenda familjes, burri masakron për vdekje gruan në Vlorë

Një krim i rëndë brenda familjes ka ndodhur në fshatin Babicë të Vlorës, ku burri ka goditur me sëpatë gruan e tij pak minuta më parë.

Gruaja, rreth 35-vjeç, ka ndërruar jetë rrugës për në spital, nuk dihen ende shkaqet e këtij konflikti.

Burime bëjnë me dije se burri i ka shkaktuar viktimës plagë të mëdha në pjesën e kokës dhe të fytyrës, ndërsa e ka therur dhe me thikë.

Policia ende nuk ka një njoftim për ngjarjen, dhe nuk dihet as identiteti i çiftit të bashkëshortëve. Mësohet se bashkëshorti është vënë  në pranga nga ana e policisë.

Njoftimi i Policisë: 

Në orën 12:52, në fshatin Babicë e Madhe, Vlorë, pas një konflikti në familje dyshohet se shtetasi L. S., 56 vjeç, ka goditur me mjet të fortë (levë hekuri) bashkëshorten e tij 44 vjeçare L.S.

E dëmtuara u shoqërua për ndihmë mjekësore në Spitalin e Vlorës por për shkak të dëmtimeve të marra në orën 13:30, njofton Spitali se ka ndërruar jetë.

Policia ka shoqëruar menjëherë bashkëshortin, shtetasin L.S., si autorin e dyshuar në lidhje me ngjarjen për të cilin po vijojnë veprimet e mëtejshme në lidhje me arrestimin e tij.

Grupi hetimor ndodhet në vendin e ngjarjes duke kryer veprimet hetimore në lidhje me sqarimin e rrethanave.

(E.K/Faxweb.al)