Krim në Maliq, kush është gruaja që goditi me sëpatë bashkëjetuesin (FOTOT)

Një ngjarje e rëndë është shënuar në Maliq të Korçës, ku një shtetase e re 26-vjeçare, e identifikuar si V. Shkëmbi, ka goditur me sëpatë bashkëjetuesin e saj, shtetasin me iniciale N. K.

Si pasojë e goditjes me mjetin prerës, 44-vjeçari ka marrë plagë të lehta dhe pas mjekimit është larguar në banesë.

Nuk dihen arsyet e kësaj ngjarje të rëndë, për të cilën është vënë në pranga 26-vjeçarja si autore e dyshuar.

Ndalimi i saj në flagrancë u krye në kohë në sajë të informacionit të një shtetaseje që lajmëroi policinë, për t’i kërkuar ndihmë.

Detaje të Policisë së Korçës:

Policia ndërhyn në kohë dhe parandalon një ngjarje të rëndë.

Tenton të vrasë me sopatë bashkëjetuesin e saj, kapet dhe arrestohet në flagrancë nga Policia.

Specialistët e seksionit kundër krimeve ndaj personit, në Drejtorinë Vendore të Policisë Korçë falë ndërhyrjes në kohë të tyre, bënë të mundur kapjen dhe arrestimin në flagrancë të shtetases:

Vjollca Shkëmbi, 26 vjeçe, banuese në Pojan-Maliq.

Më datë 04.05.2017, në numrin 129 të Policisë, ka telefonuar një shtetase e cila ka kërkuar ndihmën e Policisë, pasi në fshatin Pojan, në banesën e shtetases të mësipërme kishte një konflikt. Menjëherë pas marrjes të kësaj telefonate janë njoftuar shërbimet e Policisë, të cilat janë paraqitur në vendngjarje.

Nga kryerja e veprimeve hetimore rezultoi se shtetasja Vjollca Shkëmbi, pas një konflikti për motive të dobëta, ka tentuar të vrasë me mjet të mprehtë (sopatë), bashkëjetuesin e saj shtetasin N.K, 44 vjeç, banues në Sheqeras-Maliq, të cilit i ka shkaktuar plagë të lehta në trup. Pas mjekimit të marrë në Spital ky i fundit është larguar në banesë.

Në cilësinë e provës materiale në banesë u gjet dhe sekuestrua mjeti me të cilin është goditur N.K

Shtetasja Vjollca Shkëmbi,  u arrestua në kushtet e flagrancës për veprën penale : “Vrasja për shkak të marrëdhënieve familjare” mbetur në tentativë parashikuar nga nenet 79/c dhe 22 i Kodit Penal.

Materialet për hetime të mëtjeshme i kaluan Prokurorisë të Krimeve të Rënda në Tiranë.

(XH.A/SHUPLAKA)

[ngg_images source=”galleries” container_ids=”1735″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]