Prokuroria e Krimeve të Rënda ka regjistruar dosjen në ngarkim të ish-kryeprokurorit Adriatik Llalla.
Dosja e Llallës ka kaluar në duart e prokurorit Klodian Braho.
Braho duket se do jetë prokurori që do ketë në dorë fatin e ish-kreut të organit të akuzës, njëherazi një nga ish-kokat e drejtësisë që ka dalë nga sistemi duke mos iu nënshtruar procesit të Vettingut.
Prokurori Braho po zhvillon hetimet për 4 akuza që rëndojnë mbi Llallën, siç është ajo e “fshehjes së pasurisë”, “mosdeklarimit të të hollave në kufi”, “pastrim parash” dhe “shpërdorim detyre”.
Më 16 maj, ish-kryeprokurori Adriatik Llalla, pritet të dalë para Kolegjit të Pavarur të Apelimit, për të shqyrtuar dhe njëherë vendimi për daljen e Llallës nga sistemi dhe për të mos kaluar në Vetting.
(F.G/Faxweb.al)
