Kryeprokurori Olsian Çela dhe kreu i KQZ, Ilirjan Celibashi kanë zhvilluar një takim sa i takon masave që do të marrin me qëllim për të goditur krimet zgjedhore.
Në një komunikim për mediat, Çela u shpreh se sfida vazhdojnë të mbeten “hetimi dhe ndjekja penale”.
Ai tha se masat synojnë rritjen e eficencës që kanë të bëjnë me bashkëpunimin mes institucioneve. “Ka raste të suksesit, por ka edhe gjëra që nuk kanë shkuar mirë”- tha Cela.
“Ka shumë për të bërë, mund të bëhet edhe më mirë. Prokuroria është përpjekur të bëjë maksimumin sa i takon krimeve zgjedhore.
Ka raste të suksesit, por ka edhe gjëra që nuk kanë shkuar mirë.
Ne këtë vit kemi vendosur të ndërmarrim një sërë veprimesh që synojnë në rritje të eficenës që kanë të bëjnë me bashkëpunimin mes institucioneve.
Javën e kaluar pata një takim me drejtorin e policisë dhe diskutuam si do organizohemi gjatë procesit zgjedhor që të sigurojmë një përgjigje efikase ndaj fenomenit të krimit zgjedhor.
Ashtu si sot në diskutimin që kisha me kreun e KQZ kemi për objektiv të rrisim maksimizojmë eficën e ndërveprimit të KQZ dhe prokurorisë. Ajo që ne synojnë është transmetimi i shpejtë i informacionit, vlerësimi në kohë reale ndaj cdo sinjalizimi për cdo shkelje që bëjnë vepër penale.
Prokuroria funksiononi brenda kuadrit ligjor në fuqi. Cdo masë që do merret do jetë brenda asaj që mundëson kuadri ligjor. Masat synojnë të jenë gjithë përfshirëse”, tha Çela.
Discussion about this post