Të shtunën që lamë pas një lajm tronditës pushtoi mediat botërore ku u zbulua një krim tronditës në Brazil. Futbollisti Daniel Correa Freitas u gjend i masakruar në një shkurre ndërsa shakqet e ngjarjes ishin enigmë.
Një dëshmitar kyç i ngjarjes ka zbuluar se futbollisti brazilian është vrarë në dhomën e një apartamenti në praninë e një femre për shkak të xhelozisë. Mësohet se 24-vjeçar ka shkuar në një festë me disa ish-shokë dhe më pas është larguar nën shoqërinë e një vajze, por kjo duket se nuk është pritur mirë nga 4 vrasësit, të cilët dëshmitari i ngjarjes i ka njohur dhe ka dhënë emrat e tyre në polici.
Ata e kanë ndjekur lojtarin e Sao Paulo deri te apartamenti i tij dhe më pas kanë bërë një kasaphanë të vërtetë. Fillimisht e kanë sulmuar me thika, dëshmitari shtoi se njëri e masakroi me një hanxhar derisa e lanë të mbuluar të tërin në gjak.
Më pas, autorët e kanë marrë trupin e viktimës dhe e kanë hedhur në një pyll në dalje të qytetit. Viktima u gjet me dëmtime të mëdha në trup, me kafkë të çarë dhe i tredhur. Tashmë policia është në gjurmët e autorëve, ka garantuar anonimitetin e dëshmitarit duke e vënë nën roje për shkak të frikës nga hakmarrjet. Trupi i futbollistit u gjet nga banorë të zonës.
Klubi i futbollit ku aktivizohej futbollisti ka shprehur ngushëllimet për familjen e tij duke thënë se do të paguajë funeralin e tij.
I njohur si Daniel, mesfushori sulmues filloi karrierën e tij me Botafogo para se të shkonte në Sao Paulo në 2015.
Sao Paulo është një nga ekipet më të mëdha dhe më të njohura të futbollit në Brazil. (B.H/Faxweb)
