Policia Kufitare e Migracionit të Shqipërisë që mbulon pjesën e kufirit ndërshtetëror mes Shqipërisë dhe Greqisë është takuar sot në Sarandë me palën greke me qëllim bashkëpunimin dhe kordinimin e veprimeve ndërmjet palëve për të parandaluar krimin ndërkufitar.
Takimi bashkëkryesohet nga Drejtoresha e Departamentit për Kufirin dhe Migracionin Drejtues i Lartë Aida Veizaj (Hajnaj) dhe Inspektorja e Përgjithshme për Kufirin dhe Migracionin në Policinë Greke, Gjeneral Leitnant Policie Zacharoula Tsirigoti.
Takimi ka si qëllim forcimin e sigurisë së kufijve dhe parandalimin e krimit ndërkufitar dhe do të diskutohen çështje në interes të përbashkët të policisë të të dy vendeve për goditjen e trafikimit të narkotikëve, kalimit të paligjshëm të kufirit, koordinimit të shërbimeve, me qëllim patrullimin e sinkronizuar të kufirit të gjelbër, shkëmbimin në kohë reale të informacionit, ngritjen e qendrës së bashkëpunimit policor në Kakavijë. (B.H/Shuplaka)
https://www.facebook.com/1502420603377639/videos/2012480889038272/
