Pas ngjarjes së ditës së sotme ku babai ka varur veten në Korccë së bashku me dy fëmijët e tij të mitur, dhe ngjarjes së rëndë në Fier ku burri hodhi gruan nga dritarja e banesës, ka reaguar lideri i opozitës Lulzim Basha. Ai i ka quajtur të dhimbshme dhe të tmerrshme këto ngjarje, duke bërë fajtore për këtë gjendjen e vështirë ekonomike në të cilën gjenden familjet shqiptare.
”Jam i tronditur nga krimet e tmerrshme në familje në Fier dhe në Korçë. Jam veçanërisht i hidhëruar që këto krime kanë marrë jetë të pafajshme fëmijësh dhe grash.
Këto ngjarje më shumë se krime individuale reflektojnë gjëndjen e varfërisë dhe dëshpërimit ku ka hyrë shoqëria jonë, si dhe rënien e mbështetjes shoqërore për njëri-tjetrin.
Shqipërisë duhet t’i kthehet shpresa, duhet t’i kthehen mundësitë në mënyrë që të gjithë të jetojnë të mirëqenë dhe të qetë. Politika ka rolin kryesor për këtë gjë: ajo duhet të pushojë së punuari për pakicën dhe duhet t’u rikthehet njerëzve dhe halleve të tyre.
Ne nuk mund të vrasim njëri tjetrin, duhet të vrasim politikën e keqe. Ne duhet të japim jetën për fëmijët tanë dhe jo të marrim jetë fëmijësh”, mbyll reagimin Basha.
Discussion about this post