Beogradi zyrtar është alarmuar nga vendimi i sotëm i Gjykatës së Colmarit që vendosi për lirimin e ish-kryeministrit të Kosovës duke mos marrë në konsideratë kërkesën e serbëve për ekstradim. Mësohet se Vuçiç ka planifikuar të mbledhë qeverinë sot në orën 11:00 të paradites.
Mediat serbe kanë reaguar lidhur me lirimin e Ramush Haradinaj mëngjësin e sotëm në Colmar të Francës. Ato shkruajnë se Franca vendosi për lirimin e Haradinajt duke mos marrë në konsideratë kërkesën për ekstradim të Serbisë.
Serbja “Informer” shkruan në krye të saj “Xhelat! Ja se çfarë tha Ramush Haradinaj menjëherë pas lirimit!”. Ndërsa “Tanjug” dhe media tjetër serbe “B92” shprehen se Gjykata në Colmar nuk ka dhënë arsyet për këtë vendim.
“Haradinaj pas lirimit të tij: Kjo është fitorja e shqiptarëve.”, titulli tek “Tanjug”. “Lirohet Ramush Haradinaj. Gjykata e Apelit në Colmar hodhi poshtë kërkesën e Serbisë për ekstradimin e ish-liderit të UÇK-së Ramush Haradinaj.”, shkruan “B92”.
(XH.A/SHUPLAKA)
(Tanjug)
(B92)
(Informer)
