Ditën e sotme në mjediset e Selisë Rozë u zhvillua mbledhja e grupit Parlamentar të Partisë Socialiste. Një nga pikat e mbledhjes ishte dhe votimi i fshehtë për kreun e Grupit të PS-së.
Me shumicë votash u konfirmua emri që kryeministri Rama kishte propozuar, ai i Taulant Ballës.
Po nëse zhvillimet nuk ishin të shumta, në mbledhje u vërejt një mungesë e rëndësishme, ajo e ish-ministrit të Brendshëm Saimir Tahirit. Nuk dihet nëse kjo ka qenë një mungesë me leje, apo një nga rebelët e PS-së ka qëndrime ndryshe nga grupi i tij.
Pas shkarkimit nga posti i Ministrit të Brendshëm dhe akuzave të shumta ndaj tij për lidhje me krimenelë droge nga ana e opozitës, Tahiri ka mbetur disi në hije. Emri i tij nuk u lakua nga Rama për të qenë pjesë e katëv viteve të ardhshme, dhe me gjasa kjo ka shkaktuar dhe pakënaqësitë e para.
Dhe në mbledhjen e Asamblesë ku u shpall qeveria e re, Tahiri u shfaq i distancuar nga pjesa tjetër e socialistëve, dhe qe ndër të parët që u largua nga mbledhja.
Po ashtu një nga deputetët e tjerë të PS-së ka votuar kundër vendimit të Kryeministrit për Taulant Ballën kryetar grupi. A kanë nisur lëvizjet e para kundër në PS?! Na mbetet të presim dhe të shohim…
(E.K/SHUPLAKA)
