Kryeministri Edi Rama këto ditët e fundit është parë të jetë më pasiv në rrjetet sociale. Ndoshta ka qenë i zënë me shkarkimet dhe emërimet e ministrave.
Kur themi më pasiv nuk do të thotë që ka lënë pa postuar rubrikën e tj të preferuar ‘’Amacord’’, jo, jo.
Thjesht nuk iu është përgjigjur komentuesve të shumtë që e kanë pyetur, lavdëruar apo dhe e kanë kritikuar. Në fakt një pyetje shumë e drejpërdrejtë i ka ardhur edhe nga aktivisti i komunitetit LGBT, Kristi Pinderi.
Ai në mënyrë krejt miqësore duke e thërritur në emër e pyet kryeministrin se çfarë planesh ka për datën 13 maj që është dita e paradës së komunitetit LGBT.
‘’Edi, çfarë do bësh më 13 maj ? ‘’, shkruan Pinderi poshtë Amacordi që Rama ka publikuar për Ditën e Verës.
Mesa duket nuk ka marrë një përgjigje nga Rama. Nuk dihet nëse pyetja e Pinderit shihet si një provokim apo ai kërkon që të gjejë mbështetje për kauzën që përfaqëson edhe te kryeministri. (E.K/SHUPLAKA)
