Kristi Pinderi është një nga aktivistët më të njohur të të drejtave të komunitetit LGBT. Ndërkohë që në një rrëfim të jetës personale në revistën Story, ndër të tjera, ka rrëfyer edhe për marrëdhënien e tij me të atin.
“Dy janë ndoshta mëkatet më të mëdha që kam bërë: kur takova për herë të fundit tim atë, pasi e dëgjova që fliste, në fund kur u ndamë u ndjeva i lehtësuar për faktin që i vërtetova vetes se në fakt nuk e dua. Sigurisht edhe u lehtësova për faktin se vërtetova që nuk e urrej. M’u duk njeri i largët, i zakonshëm e ndoshta fatkeq. Por u ndava me premtimin që i bëra vetes për ta respektuar dhe për t’ju gjendur pranë në rast se do e tejkalojë mediokritetin e vet e do më kërojë të më ketë pranë. “-u shpreh Pinderi lidhur me marrëdhënien e vështirë me të atin.
Ndër të tjera ai foli edhe besimin në Zot dhe u shpreh se mëkati i tij i dytë më i madh ishte fakti që së fundmi kishte dyshuar në ekzistencën e Zotit.
“Zakonisht nuk e ul kokën para Zotit. Nëse e ngrej lart, gjë që ndodh shumë rrallë, do të thotë se jam shumë i mërzitur me Perëndinë. Është pothuajse shenjë rebelimi. Hera e fundit ishte ditën kur fjeta për herë të parë në shtëpi pa nënën time. Rreth 11 muaj më parë.”-rrëfeu Pinderi i pyetur për herën e fundit që kishte ngritur kokën lart nga Zoti.
Ai gjithashtu foli edhe për marrëdhënien e tij me të dashurin, dhe tha se ia ndjen mungesën. “Erjoni, partneri im nuk është në Shqipëri (ai udhëton shpesh) dhe më duket ditë shumë e paplotë.”-thotë Kristi.
(E.K/SHUPLAKA)
Discussion about this post