Pas prezantimit të platformës “anti-KÇK”, ditën e sotme nga kryeministri Edi Rama, ka pasur reagime të shumta kundër pasi krijon sistem parallel me institucionet e reja të drejtësisë, kryesisht me BKH-në dhe SPAK-un.
Pas këtyre zërave ka reaguar kryeministri Edi Rama, i cili shkruan se pret më shumë reagime idiotike, ndaj paketës që siç e cilëson ai është më agresivja ligjote që një qeveri ka formuluar në këto 30 vjet.
Madje Rama ka risjellë në vëmendje një shprehje të përdorur prej tij disa vite më parë në Kuvend, ku paralajëmroron se “ato s’kanë parë gjë akoma”.
“Operacioni Forca e Ligjit (OFL) as nuk dublon, as nuk pengon, as nuk anashkalon institucionet që po lindin nga Reforma në Drejtësi, po është komplementar me to dhe do t’i bëjë një shërbim të madh shoqërisë, në këtë fazë tranzitore të sistemit të drejtësisë! Kaq për momentin.
Pres shumë më tepër reagime idiotike ndaj paketës më agresive ligjore, që një qeveri ka formuluar ndonjëherë në këta 30 vjet, kundër krimit të organizuar dhe aleatëve të tij në sistemin e vjetër e të korruptuar të drejtësisë! S’kemi dëgjuar gjë akoma, po ama s’kanë parë gjë akoma!”- shkruan Rama.
(M.Q/Faxweb.al)
Discussion about this post