Presidenti i FSHF Armand Duka më anë të një postimi në rrjetet sociale ka reaguar mbi rezultatet e skuadrës Kombëtare, si dhe punën e trajnerit Panuçi, pas dy ndeshjeve të para në Ligën e Kombeve.
POSTIMI I PLOTË
Sapo kemi nisur një turne të ri,dhe kemi bërë dy ndeshjet e para. Kemi marrë tre pikë dhe pësuam humbjen e parë të hënë në mbrëmje në Gllasgou. Nje humbje nuk duhet trajtuar si nje tragjedi. Kemi patur mundësitë tona atë mbrëmje që nuk i shfrytëzuam, ashtu sikurse edhe difektet tona që jam i bindur që trajneri i ka tashmë pikë referimi.
Jemi në gjysmë të rrugës, me pikë të barabarta me rivalin. Na pret në tetor një transfertë e vështirë në Izrael. Të gjithë ne duhet ti japim kohën e mjaftueshme trajnerit për të bërë ndryshimet dhe reflektimet e duhura në skuadër.
Koha e llogoreve nuk vlen për askënd. Kritikat jane normale per nje skuader kur ajo humbet. Por kur këto behen per interesa jo sportive, nuk i sherbejne askujt.
Unë mirëkuptoj cdo shqetësim të tifozëve tanë apo cdo artikulim mediatik por njëherësh i ftoj që këtë situatë jo të mirë ta shndërrojnë duke shpenzuar energji pozitive për kombëtaren tonë.
Discussion about this post