Këtë sezon Tomas Strakosha jo pak herë ka marrë rolin e titullarit te sukadra e Lacios, e favorizuar kjo edhen nga dëmtimet e shpeshta të Marketit. Po në drejtim të talentit shqiptar të portës nuk kanë munguar as ktitikat e shumta.
Ndërkohë që një tjetër shqiptar, Igli Tare Drejtori sportiv i Lacios i ka dalë në krah Strakoshës. Duke folur për mediat italiane 2-2 në fushën e Xhenoas Tare tha se Strakosha e ka merituar vendin e titullarit.
“Ne kemi zgjedhur politikën e të rinjve dhe duhet t’u japim atyre kohën e duhur për t’u rritur e t’u lejojmë ndonjë gabim. Thomasi ka gjithçka që duhet për t’u bërë titullar. Marketi po kalon një moment të vështirë, askush nuk e priste përsëritjen e dëmtimit. Kemi vendosur që ai të mos operohet, duke shpresuar të riaftësohet para fundit të këtij kampionati”, deklaroi Tare.
Ndërkohë, fjalë vlerësimi për 22-vjeçarin shqiptar vijnë edhe nga Goran Pandev, sulmuesi që i shënoi në përballjen e sotme. “Sot e meritonim fitoren, por Strakosha dhe mbrojtësi në minutën e fundit u treguan të zot. Nëse luajmë kështu, mbijetesën e arrijmë qetë-qetë. Ishte ndeshje e madhe në të cilën vumë shpirtin në fushë dhe rikthyem Xhenoan e vërtetë – atë ka mundur ekipe si Milani, Juventusi e Fiorentina”, u shpreh 33-vjeçari maqedonas. (E.K/SHUPLAKA)
