”Kritikët e Bashës akuzohen se po bëjnë lojën e LSI-së. Basha akuzohet se po bën lojën e PS-së. Po të PD-së kush po e bën?”

Çim Peka  në një status të shkurtër në rrjetet sociale ngre pyetjen se kush po merret me PD-në brenda partisë.

Sipas tij kritikët e Bashës brenda PD akuzohen nga Luli se po bëjnë lojën e LSI-së. Basha akuzohet nga kritikët e tij se po bën lojën e PS-së dhe në këtë mënyrë askush nuk merret me vetë Partinë dhe atë që ajo përfaqëson.

“Kritikët e Bashës brenda PD akuzohen nga Luli se po bëjnë lojën e LSI-së. Basha akuzohet nga kritikët e tij se po bën lojën e PS-së. Një pyetje: Po lojën e PD-së kush po e bën në atë parti? Përveç qëndrestarëve që edhe ne këtë gjendje ku e katandisi lidershipi PD-në, ishin rreth 500 mijë”, shkruan Peka.

Duhet thënë se së fundi gazetari është pozicionuar qartë në kundërshtim me rizgjedhjen e Lulzim Bashës në krye të PD-së e ndikuar kjo edhe nga rezultatet që PD-ja arriti të merrte në zgjedhjet e fundit të Qershorit.

Kohët e fundit nuk ka ndonjë zhvillim në PD përveç faktit të rikonfirmimit të Lulzim Bashës si kryetar partie me një diferencë të thellë nga kundërshtari i tij Eduard Selami.

(E.K/SHUPLAKA)