Presidenti Trump ka mirëpritur një sërë yjesh botërorë. Në këtë takim ishin prezent emra të mëdhenj, ndër të tjerë edhe reperi Kanye West, legjendat e futbollit Jim Brown, Ray Lewis, si dhe miliarderi filantropist Bill Gates.
Që prej fitores së tij Donal Trump po e kalon pjesën më të madhe të ditëve në zyrën e tij, në katin e sipërm të kullës “Trump”, duke zhvilluar takime lidhur me tranzicionin presidencial.
Takimi me njerzit e famshëm është kritikuar së tepërmi, pasi presidenti i zgjedhur po gjen kohën të takojë Kanye West, por refuzon vazhdimisht të marrë pjesë në takimet ditore me zyrtarë të inteligjencës.
Kanye West kërkoi një takim 15 minutësh me presidentin e zgjedhur, por ka qëndruar në zyrën e tij për gati një orë. Pas takimit, ata u shfaqën të dy bashkë në hollin e “Trump Tower”, ku shtrënguan duart e gati u përqafuan.
Sipas postimit që bëri Kanye West në “Twitter” thuhet se ai kishte diskutuar me Trumpin për çështje shumëkulturore, nga bullizmi, modernizimi i kurrikulumeve e deri te dhuna në Chicago.
“Mendova se është e rëndësishme të zhvillosh një takim të drejtpërdrejtë me presidentin e ardhshëm, nëse kërkon vërtet të ndryshosh të ardhmen”, shkruajti ai.
Ndërsa Bill Gates tha se kishte folur për fuqinë e inovacionit dhe sesi kjo gjë mund të ndihmojë në shëndetësi, arsim, energjia dhe te ndikimi jashtë kufijve
Discussion about this post