Klubi i Partizanit ka shkarkuar trajnerin Sulejman Starova si pasojë e mungesës së rezultateve positive. Ky shkarkim vjen pas barazimit të djeshëm me Teutën ku të kuqtë pësuan gol në minutën e 95’ nga portieri I Teutës Moçka.
Në vijim të sezonit futbollistik drejtimin e skuadrës do ta marrë Klevis Dalipi. Klubi falenderon trainerin Sulejman Starova për kontributin e dhënë gjatë këtyre viteve në klub dhe në drejtimin e skuadrës.
Njoftimi i klubit:
NJOFTIM PER MEDIAT
Pas barazimit 1 – 1 të arritur në Durrës ndaj Teutës bordi drejtues i klubit zhvilloj mbrëmjen e së dielës një mbledhje urgjente. Duke analizuar situatën aktuale dhe objektivat që ekipi synon për pjesën e mbetur të sezonit, drejtuesit e klubit kanë kërkuar dorëheqjen e Sulejman Starovës nga drejtimi i ekipit, vendim i cili është pranuar edhe nga traineri Starova. Në vijim të sezonit futbollistik drejtimin e skuadrës do ta marrë Klevis Dalipi. Një ndryshim i tillë është konsideruar i domosdoshëm nga drejtuesit në kuadër të strategjisë së rinovimit dhe për ti dhënë një impuls pozitiv lojës dhe rezultateve të skuadrës. Klubi falenderon trainerin Sulejman Starova për kontributin e dhënë gjatë këtyre viteve në klub dhe në drejtimin e skuadrës.
(B.H/Faxweb)
