Kriza e tejzgjatur në Kosovë, mediat e huaja i kushtojnë vëmendje

Kriza e tejzgjatur në Kosovë vazhdon të pasqyrohet në mediat ndërkombëtare.

“2 muaj pas zgjedhjeve parlamentare, Kosova nuk ka ende qeverinë e saj”, shkruan në një analize gazeta zvicerane “Neue Zürcher Zeitung e cila përqendrohet tek demet financiare të bllokadës politike, veçanërisht në një stinë të rëndësishme për sektorin e turizmit. 

Ajo i referohet shifrës së pretenduar nga biznesmeni Bexhet Pacolli, sipas të cilit Kosova ka humbur 138 milionë dollarë te ardhura nga turizmi, për shkak te mosfunksionimit të institucioneve. 

Kampet e armiqësuara politike sipas gazetës gjermane janë vetëm një pjesë e problemit; krahas problemeve ekonomike kronike dhe vështirësive sociale, janë për t’u zgjidhur çështje delikate të politikës rajonale, të cilave mund t’u japë zgjidhje vetëm një qeveri me mbështetje të gjerë, pohon “Neue Zürcher Zeitung”. 

Ndërsa gazeta gjermane “Frankfurter Allgemeine Zeitung” nën titullin “Xhihad vajtje-ardhje” i kushton vëmendje frikës së kthimit të luftëtarëve nga vendet e Ballkanit që kanë shkuar të luftojnë për të ashtuquajturin “Shteti Islamik” në Siri e Irak. “Shumë xhami në vendet e Ballkanit janë jashtë ndikimit të bashkësisë myslimane. Në to predikohet islami radikal e disa shërbejnë si qendra rekrutimi” shkruan gazeta e cila thekson se problemi behet me i theksuar ne vendet me administrate te dobët, shkruan Top Channel.

Frankfurter Allgemeine Zeitung që citon ekspertë të sigurisë pohon se në vende si Kosova, Serbia apo Bosnja nuk po behet asgjë për të penguar  radikalizimin dhe se mungon mbikëqyrja e efektshme e terroristëve të liruar nga burgu.

(B.H/Shuplaka)