Komisioneri për zgjerim, Johannes Hahn, do të vizitojë Maqedoninë me qëllim dhënien e ndihmës për zgjidhjen e krizës politike që ka përfshirë Maqedoninë pa qeveri prej zgjedhjeve të dhjetorit 2016.
Ndërkaq, mësohet se grupi i quajtur “Për Maqedoninë e Bashkuar”, që mbështet partinë e ish-kryeministrit, Nikola Gruevski, ka bërë thirrje për zhvillim proteste përpara zyrës së misionit të BE-së në Shkup gjatë vizitës së komisionerit të Bashkimit Europian.
Ata janë shprehur se me anë të kësaj proteste dëshirojnë që me anë të protestës t’i japin “një mesazh të qartë” komisionerit, për sa i përket formimit të qeverisë së re.
Sipas grupit ““Për Maqedoninë e Bashkuar”, bërja e shqipes gjuhë zyrtare në të gjithë territorin e vendit, do të shkatërronte unitetin e Maqedonisë.
(XH.A/SHUPLAKA)
