Ish-ministri i jashtëm Kastriot Islami ka qenë i ftuar në studion e lajmeve në Fax News, ku ka komentuar dhe fitoren historike të shqiptarëve në Tuz. Islami tha se kjo është një fitore e vonuar, po që tregoi se bashkëpunimi tregoi se shqiptarët mund të fitojnë.
‘’Shqiptarët kanë rol të rëndësishëm në Malin e Zi. Zgjedhjet e djeshme ishin një moment historik për shqiptarët, ku u tregua se bashkëpunimi mund të çojë drejt fitores”, u shpreh Islami.
Ndërkohë i pyetur nga ana e gazetares Armela Ferko për krizën politike që ka përfshirë vendin tonë, Islami tha se ndërkombëtarët me deklaratat e trye e kanë lënë demokracinë në vend të dytë. S
ipas Islamit eurodeputetët me deklaratat e tyre kërkojnë stabilitet, pavarësisht se vendi gjendet në demokraci hibride. Ai mori si shembull dhe eksperiencën e tij si raportues për Gjeorgjinë, ku theksi i raporteve vendosej te domosdoshmëria për stabilitet.
“Ndër- kombëtarët e kanë lenë demokracinë në plan të dytë, ata kërkojnë stabilitet. Jemi në mungesë të Kushtetueses dhe Gjykatës së Lartë, çka e ka bërë vendin që të jetë në një krizë shumë të thellë. Parlamenti ka rënë, sa kohë që opozita mungon, nuk mund të zëvendësohet nga persona të tjerë. Mazhoranca tashmë është përballë qytetarëve, është ilegjitime, sa kohë që edhe mediat ndërkombëtare e kanë bërë publike se çfarë ka ndodhur me blerjen e votës dhe me zgjedhjet”, u shpreh më tej ish ministri i jashtëm.
”Gjithnjë përfaqësuesit ndërkombëtarë në takimet e para i japin të drejtë qeverisë, dhe më pas përpiqen të qetësojnë opozitën”, tha më tej Islami.
(E.K/FAXWEB.AL)
