Ditën e sotme gjatë konferencës së përbashkët mes kryeministri Rama dhe përfaqësuesja e lartë e politikës së jashtme të Bashkimit Europian, Federica Mogherini është diskutuar dhe kriza aktuale politike në Shqipëri.
E pyetur nëse do të negocionte për krizën, Federica Mogherini tha se nuk e ka bërë dhe nuk do ta bëjë asnjëherë këtë gjë, duke ua lënë kështu përgjegjësinë politike.
“Unë nuk promovoj, nuk hyj në negociata apo ndërmjetësime mes partive politike brenda apo jashtë BE-së. Këtë duhet ta bëjë politika e brendshme. Nuk kam bërë negociata apo ndërmjetësime në vitin 2017 dhe nuk e kam bërë këtë kurrë as në vendet e tjera, kjo nuk është qasja jonë për marrëdhëniet politike dhe institucionale me vendet partnere”, duke shtuar se partitë politike nuk duhet të cenojnë proceset demokratike.
Nga ana tjetër, kryeministri Edi Rama tha i bindur se zgjedhjet lokale do të mbahen më 30 qershor për të zgjedhur kryetarët e rinj të 61 bashkive.
“Për sa i përket zgjedhjeve, do të mbahen më 30 qershor. Do të zgjidhen 61 kryetarët e bashkive dhe 61 këshillat bashkiakë. Se kush merr pjesë dhe nuk merr pjesë në zgjedhje është zgjedhje e lirë e gjithsecilit, ajo që ka rëndësi është se qytetarët do të votojnë më 30 qershor për zgjedhjet vendore”, është shprehur Edi Rama.
Discussion about this post