Lideri i Frontit Demokratik opozitar në Mal të Zi, Andrija Mandiq, ka deklaruar sot se ky vend ndodhet në teh të luftës civile dhe ka paralajmëruar se kjo parti ka të drejtë në vetëmbrojtje.
Këto komente në një konferencë të sotme për gazetarë u bënë pasi dje Këshilli administrativ i Kuvendit të Malit të Zi ia ka tërhequr imunitetin zotit Mandiq dhe deputetëve të Frontit Demokratik, Nebojsha Medojeviq dhe Millan Knezheviq, raporton Radio Europa e Lirë.
Ai theksoi se Fronti Demokratik “nuk pranon që deputetët e vet të poshtërohen dhe arrestohen” dhe e ka akuzuar qeverinë për sjellje jokushtetuese.
Në këtë kuadër, Mandiq tha se Fronti Demokratik ka të drejtë në vetëmbrojtje.
Ky tensionim erdhi pasi parlamenti votoi për heqjen e imunitetit të tij, ai e konsideroi qeverinë antikushtetuese .( B.H/Shuplaka)
Discussion about this post