Analisti Fitim Zekth, i ftuar në ‘Fax News’ për të folur mbi aktualitetin politik thotë se kriza mes presidentit Ilir Meta dhe kryeministrit Rama tregon gjendjen e përgjithshme të vendit, por edhe nevojën e Ramës për të kontrolluar Ministrinë e Brendshme.
Sipas tij me largimin e Xhafajt Rama kërkonte që të vendoste të besuarin të tij në Ministrinë e Brendshme për ta marrë tërësisht nën kontroll.
“Largimi i Xhafajt nënkuptonte se duhej zëvendësuar me dikë që ia mundësonte kryeministrit marrjen e kontrollit të Ministrisë së Brendshme, për këtë arsye dërgoi në presidencë dikë që publikisht tha se është i dërguar i kryeministrit në Ministrinë e Brendshme.
Ministrat marrin përgjegjësi edhe personale, nuk mund të jetë thjesht një zgjatim i kryeministrit, po të ishte kështu edhe procedura e tij do të ishte si procedura e emërimit të një zv. ministri, apo edhe një drejtori policie. Nuk do kalonte në Presidencë dhe për miratim në Parlament.
Pra këto lloj funksionesh kërkojnë kontroll edhe nga presidenti edhe parlamenti, për këtë arsye këta persona mund të jenë njerëz që punojnë me kryeministrin por jo vartës të verbër të kryeministrit. Pra kriza vjen si pasojë edhe e krizës reale në jetën e vendit dhe faktit që kryeministri për të arritur qëllimin e vet fundor për të marrë nën kontroll Ministrinë e Brendshme, nëpërmjet një njeriu të bindur të tij, duke e emëruar zv.ministër dhe duke i dhënë kompetencat e një ministri. Kjo është e pangjashme.
Kriza Rama Meta reflekton gjendjen e vendit dhe nevojën e Ramës për të kontrolluar Ministrinë e Brendshme.
Nuk po them që Meta kishte të drejtë kushtetuese ta refuzonte kandidaturën, por presidenti ka të drejtë ta kontrollojë me imtësi kandidatin që i vjen, dhe nëse gjen arsye ka të drejtë ta kthejë, arsyet ndoshta nuk mund të bëhen publike për publikun se pse është kthyer, por Parlamentit duhet t’i bëhen. Parlamentit Meta i detyohet t’i japë shpjegime. Nuk e di nëse është ky rasti që Meta ta kthejë këtë kandidat, por po them që ka të drejtë, se presidenti ka rol kontrollues, sado pak, por ka të drejtë, pra mund të themi se Meta aq sa ka vepruar është brenda hapësirës kushtetuese, ndërsa ajo që ka bërë zoti Rama është krejtësisht antikushtetuese.
Pra nuk mundet, që të ketë funksionet e Ministrit të Brendshëm, për një kohë të pacaktuar, nuk e dimë sa do rrijë në qeveri zoti Rama, por nuk mund të vazhdojmë deri në fund me një zv. ministër, nuk është funksion kushtetues se ministri vendoset me dekret presidenti dhe miratim nga Parlamenti”, u shpreh Fitim Zekthi ndër të tjera.
Discussion about this post