Krizë brenda PD-së për zgjedhjet lokale! Ja çfarë tregoi sot protesta në Kukës

Gjatë protestës së opozitës ditën e sotme është vënë re se kryetari i Bashkisë Kukës Bashkim Shehu dhe kreu i Partisë Demokratike Arif Rexhmati kanë qëndruar në distancë me njëri tjetrin.

Sipas informacioneve, në kohën kur Shehu mbajti fjalën para protestueve, kreu i degës së PD-së Rexhmati, nuk ishte prezent. E njëjta gjë ka ndodhur dhe në momentin kur fjalën e mori Arif Rexhmati, kohë në të cilën Bashkim Shehu nuk e ndau me folësin.

Kjo tregon se mes Shehut dhe Rexhmatit marrëdhëniet mund të jenë aspak të mira mes njëri- tjetrit, shtuar edhe fakti se emri i kreut të degës së PD-së në këtë qark është lakuar shpesh si një kandidaturë e mundshme në radhët e opozitës në zgjedhjet lokale nëse kjo e fundit merr pjesë.

Ndërkohë që Edi Rama ka prezantuar sot kandidatin e Partisë Socialiste Safet Gjicin, për Bashkinë e Kukësit, nga ana e Partisë Demokratike nuk ka ardhur asnjë kandidaturë (lexo këtu).