Jo vetëm Shqipëria po vuan nga zjarret në këto ditë të nxehta vere. Kroacia po përjeton të njëjtën situatë, madje edhe më të rëndë. Prej disa ditësh, kroatët e kanë shënjestruar ministrin e Mbrojtjes Damir Krsticevic, për shkak se ushtria nuk ka reaguar me shpejtësinë e duhur pas emergjencës së zjarreve.
Pas kritikave, ministri kroat është ofruar të japë dorëheqjen, duke pranuar përgjegjësinë për mosreagimin e ushtrisë në kohën e duhur.
Mirëpo, kryeministri Andrej Plenkovic ka refuzuar të pranojë dorëheqjen e Krsticevic . Madje edhe është munduar të shfajësojë ushtrinë duke thënë se ushtria ka reaguar atëherë kur iu kërkua dhe se veprimi i saj, ishte në përputhje të plotë me procedurat ligjore.
Nga ana tjetër, presidentja Kolinda Grabar Kitarovic nuk është e këtij mendimi. Reuters shkruan se ajo ka deklaruar që ushtria duhet të kishte ndërhyrë më shpejt për të ndihmuar në frenimin e zjarreve të furishme pyjore që rrezikuan seriozisht qytetin e Splitit mbrëmjen e së hënës. (D.D/Shuplaka)
Discussion about this post