Barazimi i Skënderbeut në ndeshjen e parë me Dinamos e Zagrebit i ka gjetur të papërgatitur kroatët. Kjo pasi siç e pranojnë edhe ata vetë e kanë nënvlerëzuar skuadrën korçare.
Kroatët janë nisur sot drejt Shqipërisë për të luajtur ndeshjen e kthimit të Ligës së Europës dhe premtojnë që këtë herë do të jenë shumë më të kujdesshëm.
“Pritshmëria jonë është që të kualifikohemi, por do të jetë e vështirë”, pranoi portieri Dominik Livakoviç.
“Analizuam gjithçka për shkak të fillimit të keq në ndeshjen e parë, por në fund unë shpresoj te suksesi. Padyshim që në i nënvlerësuam në ndeshjen e parë, por kjo nuk do të ndodhë më. Nuk do të nënvlerësojmë askënd dhe do të japim më të mirën tonë”, theksoi ai në fjalët e tij për mediat kroate para udhëtimit.
(E.K/SHUPLAKA)
