Lajme alarmante kanë ardhur para disa minutave nga Kruja ku burime bëjnë me dije se nga testimet kanë rezualtuar pozitiv me koronavirus 11 persona.
Mësohet se të gjithë jan punonjës të fasonërisë së këpucëve ku janë zbuluar gjatë orëve të pasdites edhe 6 raste të tjera përvec raportimeve te ministrise.
Nuk ka të ndalur përhapja e koronavirusit në Krujë ku pas 5 rasteve të raportuara nga Ministria e Shëndetësisë, u raportua për 6 punonjës së fasonërisë së këpucëve në Krujë kanë rezultuar pozitiv me Covid-19 në orët e fundit ndërsa numri i rasteve në këtë rreth rritet ndjeshëm duke shkuar përgjat 24 orëve në 22.
Paraditen e sotme Ministria e Shëndetsisë njoftoi se janë zbuluar 22 raste të reja me Covid 19 në 24 orët e fundit në vendin tonë. Në një deklaratë nga Ministria e Shëndetësisë, Eugena Tomini nga ISHP tha se situata është nën kontroll dhe duhet të respektohen të gjitha masat e distancimit social.
Tomini nga ana tjetër tha se në 24 orët e fundit ka pasur 13 persona të shëruar, dhe lajmi i mirë është se ka më pak persona të shtruar në të dy spitalet Covid.
15 nga 22 rastet e reja janë konstatuar në Laç. Në total, numri i të prekurve në Kurbin ka shkuar në 19. E gjithë kjo rritje ndodhi vetëm brenda pak ditëve.
Burime për Faxweb bëjnë të ditur se nga rastet e reja të raportuara në Shkodër, është infektuar një tjetër efektiv i FNSH-së. Një tjetër rast raportohet se është infektuar një shitëse buke, vajza e së cilës është infermiere dhe nga ku dyshohets e është transmetuar virusi. Ndërkohë që personi i tretë është një pacient në Reanimacionin në spitalin e Shkodrës.
(F.GJ/FAXwEB.AL)
