Nuk kanë të ndalur zbulimet e reja të personave të infektur me koronavirus në Krujë ndërsa burime për Faxweb.al bëjnë medije se edhe 7 persona kanë rezultuar pozitiv gjatë testimeve të fundit.
Mësohet se të gjitha janë gra dhe njëra prej të cilave e ka marrë nga bashkëshorti i saj dhe që ishte larguar nga fasoneria e këpucëve rreth një muaj më parë.
Të njëjtat burime pohojnë se janë marrë edhe tampone të tjerë dhe pritet përgjigja e konstatimeve të ndërsa ka dyshime se fatkeqësisht numri do të vijojë në rritje.
Mësohet se 400 shtetas janë karantinuar detyrimisht për shkak se dyshohet se kanë pasur kontakte me të infektuarit. Në Krujë janë 27 fasoneri. Janë mbyllur 6 fasoneri ku dy janë mbyllur vullnetarisht.
Situata në Krujë dhe në Kurbin vijon që të jetë e përkeqësuar me numrin e rasteve me Covid 19 që vijnë gjithnjë duke u rritur.
Ministria e Shëndetësisë njoftoi se në 24 orët e fundit kanë rezultuar 25 raste të reja me Cocvid 19, duke e çuar numrin total në 634.
Ndërkohë në Krujë është raportuar për 18 raste të reja pozitive që dyshohet se kanë lidhje me një fasoneri të këtij qyteti.
Gjatë një prononcimi për Fax News qytetarët në Krujë shprehen se ndihen të frikësuar nga përhapja e COVID-19, pasi fasoneritë kanë një numër të madh punëtorësh.
(F.GJ/FAXWEB.AL)
Discussion about this post