Denar Biba ditën e sotme gjatë një interviste televizive ka bërë një “kërcënim” të drejtëpërdrejtë për të gjithë kryebashkiakët të cilët njohën dekretin e presidentit Meta. Sipas nënkryetarit të Komisionit Qendror të Zgjedhjeve këta kryebashkiak do të do procedohen penalisht.
“Kemi patur disa problematike me kryetarë bashkishë të së djathtës, të cilët duke mos njohur datën e zgjedhjeve nuk po bashkëpunojnë për përgatitjet. Ju kujtoj zotërinjve se pengimi i zgjedhjeve është vepër penale dhe shumë shpejt do të ketë kallëzim për ta”, u shpreh përfaqësuesi i PS në KQZ, në emisionin ‘Top Talk’ në Top Channel.
Ditën e sotme, bashkitë e drejtuara nga opozita, njohën dekretin e Metës për zgjedhjet. Ata kërkuan nga Komisionet e Administrimit Zonal të Zgjedhjeve lirimin e të gjitha ambienteve në funksion të procesit zgjedhor.
Kujtojmë që qëndrimi i Bibës është thuajse në një linjë me atë të kryeministrit Rama i cili pak minuta më parë ka reaguar me një status në rrjetet sociale.
“Kryebashkiakë demokratë! Mos bini viktimë e katërshes SB/IM/LB/MK duke nxjerrë pengesa për zgjedhjet. Referojuni ligjit jo hallit të tyre të madh e as zhurmës së tyre të kotë. Nuk ju nxorri PS nga gara po ata dhe ata duhet të përgjigjen para jush, jo ju para tyre. Ligji s’ka mëdyshje”, shkroi Rama në Tëitter.
Discussion about this post