Rasti i kryetarit të Bashkisë së Lezhës, Fan Frrokaj, sjell në vëmendje të tjera raste të mëparshme të kryebashkiakëve që humbën detyrën për të njëjtat arsye: Shpërdorim detyre e tjetërsim prone.
Fan Frrokaj, Beqir Nuredini, Elvis Roshi, Shpëtim Gjika kanë një emërues të përbashkët: Abuzimin me detyrën në qytetet bregdetare që kanë qeverisur.
Fran Frrokaj u arrestua me akuzën e tjetërsimit të pronave tek “Rana e Hedhun”.
I zgjedhuri i Lulzim Bashës, bashkë me të tjerë zyrtarë akuzohet se ka shpërdoruar detyrën nëpërmjet një skeme tjetërsimi.
Elvis Roshi, ish-kryebashkiaku “interesant” i Kavajës, simbol i luftës së opozitës për “dekriminalizimin”, është i njohur për fshehjen e dënimeve në Itali.
Por ndaj Elvis Roshit rëndon një tjetër akuzë: Roshi është përfshirë në skandalin e tjetërsimit të pronave në Spille, ku përfitues është dhe ish-kreu i PS-së, krahu i djathtë i Elvis Roshit, Gentian Daja.
Shpëtim Gjika, ish-kryetari i bashkisë Vlorë, u akuzua për shpërdorim detyre, lidhur me ndërtimin e një objekti 11-katësh në Vlorë.
Sipas akuzës, dokumentat janë falsifikuar në katër episode, tre prej të cilave kanë lidhje me tre vendime të KRRT-së Vlorë të datës 17 Janar 2011. Gjika la detyrën duke u tërhequr nga politika aktive, dhe duke marrë faturën e kripur të “divorcit” me socialistët.
Beqir Nuredini, 100% socialisti i zgjedhur nga Rama për të qeverisur Rrogozhinën, u arrestua nën akuzën e tjetërsimit të pronave në Spille.
Nuredini u lirua nga Gjykata duke marrë masën “detyrim paraqitjeje”.
Fjola-Graçi-Faxweb.al
Discussion about this post