E ftuar mbrëmjen e sotme në “Open” me Eni Vasilin ka qenë Kryetarja e Bashkisë së Shkodrës Voltana Ademi, e cila ka folur për situatën në të cilën ndodhet ky qytet, pas ekzekutimit të bujshëm të ndodhur së fundmi të dy vëllezërve Bilali.
Kryebashkiakja Ademi ka hedhur akuza të forta në lidhje me shkallën e kriminalitetit në Shkodër, duke u shprehur se është krimi ai që e sundon këtë qytet dhe se bilanci i vrasjeve në qytetin verior është i frikshëm.
Sipas saj në më pak se një vit, 9 persona janë vrarë, ndërkohë 2 të tjerë rezultojnë të zhdukur. Dhe ajo çka e bënë edhe më tragjike sipas saj këtë situatë është se askush nuk është dënuar në lidhje me këto ngjarje.
Ademi po ashtu këtë mbrëmje ka deklaruar se: “Pushteti në Shkodër është nën presion e krimit, ka 4 vite”, duke vijuar se ka edhe zyrtarë të lartë të shtetit që janë përdhunuar nga ana e përfaqësuesve të krimit.
Mirëpo e pyetur në vijimsi të kësaj çështje Ademi nuk ka pranuar të jap detaje.
