“Objekti i ndërtuar buzë lumit Vjosa në Grykën e Këlcyrës, nuk bëhet fjalë që të prishet këto ditë deri sa të jap urdhër organi i akuzës”, këto janë fjalët e kryebashkiakut të Këlcyrës Klement Ndoni.
Sipas kryebashkiakut Ndoni, ndërtimi pa leje që ka bërë Harri Lena përballë kompleksit të ujit Trebeshina në krahun tjetër të lumit, është në listën e pritjes deri në shkatërrimin e plotë të tij.
Për Ndoni, Prokuroria e Përmetit, ka marrë në dorë cështjen e denoncuar nga Bashkia e Këlcyrës ku është bërë objekt gjatë ditëve të fundit. Tentativa e biznesmenit Harri Lena për të ndërtuar një objekt mu buzë lumit Vjosë, ka rezultuar e dështuar. Kjo falë edhe mungesës së lejes së ndërtimit nga ana e Bashkisë së Këlcyrës, si dhe e mungesës së lejes nga Baseni i Ujërave të Vjosës.
Mësohet se projekti parashikon ndërtimin e një depoje për grumbullimin e ujit të burimit të malit Trebeshinë dhe më pas cuarjen në kompleksin e ambalazhimit të tij. Prokuroria e Përmetit nga ana e vet, ka ndërhyrë që ndërtimi mos të prishet pasi është objekt hetimi dhe ndërkohë që shërben për marrjen e provave në terren. Burime nga organi i akuzës në Përmet, nuk specifikojnë kohën se kur do të hiqet “karantina” e objektit për t’iu nënshtruar pastaj prishjes nga ana e IKMT së Bashkisë së Këlcyrës.
Po ashtu ai shprehet garant në lidhje me shkatërrimin e objektit të Harri Lenës shumë shpejt dhe clirimin e hapësirës së uzurpuar me pa të drejtë duke vendosur kështu një standart në dënimin e paligjshmërisë. (S.SH/Shuplaka)
Discussion about this post