Kryetari i Bashkisë së Pukës, Gjon Gjonaj, u është drejtuar me një apel të gjithë banorëve që të qëndrojnë larg veprimtarisë së paligjshme dhe t’i shpallin luftë fenomenit që dëmton shoqërinë.
Ai shpreh bindjen se do të jetë në përkrah Policisë së Shtetit në luftën kundër kultivimit të bimëve narkotike dhe u bën thirrje kryepleqve të fshatrave, inspektorëve të shërbimit pyjor që të mos tolerojnë në asnjë çast kultivimin e bimëve narkotike.
Deklaratë për mediat e Bashkisë së Pukës
Nisur nga probelmatika e konstatuar vitin e shkuar lidhur me kultivimin e bimëve narkotike, por nxitur dhe nga rasti i fundit, konstatuar në Pukë, kryetari i bashkisë Pukës, Z. Gjon Gjonaj dëshiron t’i drejtojë një apel të gjithë banorëve të bashkisë Pukës të qëndrojnë larg veprimtarisë së paligjshme dhe t’i shpallin luftë këtij fenomeni që dëmton shoqërin tonë.
Kryebashkiaku Gjonaj teksa shpreh bindjen se bashkia do të jetë përkrah Policisë së Shtetit në luften e shpallur kundër kultivimin të bimve narkotike, ju apelon dhe një herë kryepleqve të fshatrave dhe inspektorve të shërbimit pyjor që të ngrihen në lartësin e detyrës dhe të mos tolerojnë në asnjë çast kultivimin e bimëve narkotike, pasi pesha e ligjit do të rëndojë mbi të.
Kryetari i bashkisë Pukë fton që pjesë e kësaj luftë të bëhet i gjithë komuniteti në zonat e bashkisë Pukës, të gjithë forcat politike dhe komunitetet fetare si faktor ndikues në luften kunder fenomenit që demton imazhin e Pukës.
Bashkia Pukë shpreh angazhimin e plotë në zbatimin e planit të veprimit kundër kultivimit të bimëve narkotike dhe ofron ndihmen e pakursyer ndaj Policisë së Shtetit në luften anti-kanabis.
Kryetari i bashkisë Pukë, Gjon GJONAJ
(XH.A/SHUPLAKA)
Discussion about this post