E shohim kudo, çdo ditë nuk mungon në kronikat e televizioneve, saqë natyrshëm lind pyetja: a pushon Erion Veliaj?!
Mirëpo pas pranisë së tij në çdo cep të Tiranës, apo rrethinave Veliaj duket se i ka vënë syrin dhe territoreve të Durrësit.
Ai ka qenë i pranishëm për të celebruar martesën e Marina Vjollcës dhe Getoar Selimit në ‘’Gjirin e Lalëzit” në Durrës.
Sigurisht që nuk vëmë në dyshim faktin nëse kryetari i Bashkisë së Tiranës njeh apo jo territorin që zotëron. Ndoshta dashamirësia për çiftin ka bërë që ai të ketë kompetenca edhe në Durrës.
Dasma që u zhvillua të dielën, pati rreth 300 të ftuar, ndërsa gjithçka nisi me ‘’po”-në e çiftit përpara Veliajt.
Edhe këtë herë u vu re mungesa krah tij e Ajolës, ose ndoshta mediet nuk kanë qenë fare të vëmendshme për t’a fotografuar.
(E.K/SHUPLAKA)
