Kryetari i komunës së Prishtinës, Shpend Ahmeti është parë në jahtin e biznesmenit nga Peja, Blerim Devolli, në Budva.
Fotot janë publikuar nga gazeta online ‘Metro’, e cila raporton se fotot janë bërë të shtunën në mbrëmje rreth orës 20:30.
Mësohet se politikani nga radhët e Vetëvendosjes pasi ishte kthyer nga Shkodra, ku kishte ndjekur ndeshjen Kosovë-Islandë, ishte ndalur në Mal të Zi. Jahti është pronë e Blerim Devollit, pronarit të kompanisë Devolli, raportojnë mediat kosovare.
Të rinjtë e LDK-së kanë reaguar pas publikimit të fotove të Kryetarit të Prishtinës, Shpend Ahmeti, në jahtin luksoz të Devollëve, në Budvë të Malit të Zi duke e quajtur një mashtrim për qytetarët.
Albunela Haxhiu është e dyta në Vetëvendosje që e pranon se Shpend Ahmeti kishte qëndruar në jaht, në Budva të Malit të Zi. Para saj, të njëjtën e kishte thënë edhe anëtari tjetër, Ylli Hoxha.
Haxhiu është ankuar se me publikimin e fotos së Kryetarit të Prishtinës në jaht po tentohet të helmohet opinioni kundër Vetëvendosjes.
“Pas sondazheve të fundit, SHIK-u, assesi nuk po mund të këndellet. Me format e mjetet që dijnë ata, po mundohen ta helmojnë opinionin, pas një fotografie të Shpendit në jaht. Këta që sot po flasin kundër Shpendit, ku strukeshin javen e shkuar, kur u sulmua fizikisht një aktivist politik, ku ishit dje kur RTK, edhe njëherë keqpërdori taksat tona duke transmetuar drejtpërdrejt konventen e PDK!”, ka shkruar ajo.
Ahmeti përfshiu edhe fëmijët e tij në këtë skandal, duke publikuar foto, me të cilat mohon se ka shëtitur me jahte në Budvë.
Sidoqoftë, jahti në të cilin është fotografuar Ahmeti është i kompanisë Devolli, e cila mbështet Vetëvendosjen, shkruan First Channel nga Kosova. (M.D/ Shuplaka)
Discussion about this post